Patay ang driver sang motorsiklo kag pilason naman ang angkas sini matapos nga nakabunggo sa pick-up truck sa Barangay Polo Maestra Vita, Oton, Iloilo.
Natabo ang insidente sa atubang sang isa ka mall sa lugar.
Ang napatay am si alyas Boyboy, 36, residente sang Barangay Bagumbayan, Tigbauan, Iloilo.
Ang backrider amo si alyas Toto, 37, residente sang Barangay Buntatala, Jaro, Iloilo City.
Ang driver naman sang pickup truck amo si Rey, residente sang Villa Arevalo.
Sa interview sang Bombo Radyo kay Police Captain Lunelyn Talamillo, deputy chief of police sang Oton Municipal Police Station, iya ginpahayag nga halin sa direksyon sang Arevalo ang duha ka biktima kag padulong sa Pavia sang gin-agaw sini ang lane sang nagapadulong nga pick-up truck nga halin sa Pavia kag pauli na sa Arevalo.
Suno kay Talamillo, posible nga madasig ang dalagan sang motorsiklo rason nga nagtabog ang duha ka mga biktima.
Gin-athag naman sini nga may suksok nga helmet ang mga biktima.
GIndugang sang pulis nga pareho nga nagapanimaho sang makahulubog nga ilimnon ang mga biktima.
Ginkustodiya naman sang kapulisan ang driver sang pickup truck.
Ginahulat nalang sang Oton PNP nga mag-atubangay ang pamilya sang mga biktima kag ang driver.
