Patay sa sunog ang tiyo sang bombero sa Brgy. Granada, Guimbal, Iloilo.
Ang biktima amo si Nicanor Suobiron Jr., 70 anyos.
Sa interview sang Bombo Radyo kay Senior Fire Officer 3 Russel Gotera, OIC sang Bureau of fire Protection sang Guimbal, kag hinablos sang biktima, iya ginpahayag nga nag umpisa ang sunog las 2:25 sang kaagahon.
Suno kay Gotera, isa ka balay lamang ang na-sunog.
Ginalantaw sa subong sang Bureau of Fire Protection nga mahimo nagpulaw sang kandila ang biktima rason nga wala ini matalupangdan kag natumba ini sa mga stock sang karton sa sulod sang ila balay.
Gintuktok pa ang kwarto sang biktima sang kaupod man niya sa balay apang mahimo nga na suffocate na lamang ini rason nga wala na nakaguwa sa kwarto kag nasunog ang iya nga lawas.
