SAN DIONISIO, ILOILO —Isa patay, samtang tatlo ang pilason sa mga sakay sang isa ka delivery van matapos nga na-aksidente ini sa Barangay Tamangi, San Dionisio, Iloilo.
Sa interview sang Bombo Radyo kay Police Captain Edward Villanis, hepe sang San Dionisio Municipal Police Station, iya ginpahayag nga mabug-at ang karga sang van nga mga construction materials rason man nga naglapaw ini sa dalan kag nagbaliskad.
Suno kay Villanis, nakalumpat ang tatlo ka mga sakay sang truck lakip ang driver samtang ang isa ang natampukan sang mga construction materials nangin rason man sang iya nga kamatayon.
Ginpahayag man ni Villanis nga padulong kuntani ang truck sa probinsya sang Iloilo agud idul-ong ang ila karga nga construction supplies.
Santo sa inisyal nga imbestigasyon sang orotidad, wala sang mechanical error nga nagluntad sa aksidente.
Preso naman ang driver sa San Dionisio Municipal Police Station samtang ginahulat kun magapasaka sang kaso ang pamilya sang biktima.
