ILOILO CITY- Isa ang patay kag tatlo ang pilason matapos nagbunggu-anay ang duha ka motorsiklo sa Barangay Poblacion, Concepcion, Iloilo.
Ang napatay amo Christian Delos Santos, 26, nga amo ang driver kag pilason naman ang angkas sini nga si Herardo Bano, 31, lunsay residente sang Barangay Talotu-an, Concepcion, Iloilo.
Pilason naman ang mag-asawa nga angkas sang pihak nga motorsiklo nga sanday Fritz Raniel Cristobal, 26, kag iya nga asawa nga si Shaira Mae Cristobal, lunsay residente sang Barangay Bacjawan Sur, Concepcion, Iloilo.
Sa interview sang Bombo Radyo kay Police Chief Master Sergeant Edzel Casia, imbestigador sang Concepcion Municipal Police Station, hepe sang Concepcion Municipal Police Station, iya ginpahayag nga nag-inom ang mag-abyan sa NHA People’s Village sa Barangay Bacjawan Sur padulong kuntani sa banwa.
Samtang ang mag-asawa naman ang naghalin ang banwa kag pauli na kuntani sa ila balay.
Suno kay Casia, naglapaw sa pihak nga linya ang motorsiklo nga ginasakyan sang mag-abyan sa diin nasugata nila ang motorsiklo nga ginasakyan sang mag-asawa.
Nagtabog naman ang mag-abyan kag napilasan sa diin nag-angkon ang driver sang patal nga pilas nga amo ang gintunaan sang iya kamatayon.
Pilason naman ang mag-asawa sa diin gindala ang mga ini sa ospital.
