Gin-athag sang Department of Foreign Affairs (DFA) nga indi 17 kundi 20 ka mga Pilipino ang ginpang-aresto sa Qatar bangud sa pagpatigayon sang indi otorisado nga political demonstration.
Suno kay DFA Undersecretary Eduardo de Vega, isa na sa ila ang na-release, kag subong nag-kadto na ang ambassador sa Doha kag nakig-istorya sa iban nga naka-detain.
Suno kay De Vega, kun ma-file ang kaso batok sa arestado nga mga Pinoy, magahatag ang Philippine Embassy in Qatar sang legal assistance bangud posible sila mapreso sa sulod sang tatlo ka tuig.
Ginpahayag man ni De Vega nga ang ginpasakupan nga rally ang posible kabahin sang protesta batok sa pagdakop kay former president Rodrigo Duterte nga subong gintugyan na sa Scheveningen Prison sa The Hague, Netherlands kaangot sa iya kaso nga crimes against humanity sa International Criminal Court (ICC).
Nagpanawagan liwat ang embahada sa mga Pinoy nga respetuhon gid ang local laws and customs kaangot sa mass demonstrations kag expressions of political grievances.
Sa bahin sang Department of Migrant Workers (DMW), una naman ini nagpaguwa sang statement kaangot sa paghatag sang legal assistance sa tanan nga OFWs nga involved.
“The DMW through its Migrant Workers Office (MWO) in Qatar is closely in touch with local authorities to monitor the case and ensure the welfare of overseas Filipinos, some of whom have been identified as OFWs who were arrested and detained for illegal assembly in the host country. The DMW, in coordination with the DFA and the Philippine Embassy in Doha, sent its Labor Attaché (also a lawyer) to the police station to provide all the necessary assistance to the affected OFWs,” kabahin sang press release, Marso 29.
“Makasisiguro po kayo na patuloy po ang aming paglilingkod at paghahandog ng tulong at serbisyo sa ilalim ng liderato ni Pangulong Ferdinand Marcos Jr., para sa kapakanan at kinabukasan ng ating mga OFWs at ng kanilang mga pamilya,” suno naman kay DMW Secretary Hans Leo J. Cacdac.#
