Lima ka adlaw na nga wala naka-kontak sa iya pamilya ang Miss Grand Philippines 2023 candidate nga si Catherine Camilon.
Nagpangayo sang bulig ang iya utod nga si Chin-Chin agud nga makit-an ang 26-anyos nga beauty queen.
Ginpahayag nga Oktubre 12 pa ini ulihi nga naka-communicate sa iya pamilya kag naglisensya nga makadto sa Batangas City para may tabuon.
Naka-update ini nga yara na siya sa gasolinahan sa Bauan, Batangas, apang makaligad ang pila ka oras, indi na ini matawagan kag patay na ang cellphone.
Sa Miss Grand Philippines 2023 pageant, gintiglawas ni Camilon ang Tuy, Batangas, kag ang ginkoronahan naman amo si Nikki de Moura sang Cagayan de Oro.
Magluwas nga beauty queen, isa man si Camilon ka model kag public school teacher sa Batangas.#
