Isa sa mga nadakpan sa buybust operation sa balay sang pamilya Soliva, empleyado sang Iloilo Parole and Probation Office

ILOILO CITY–Ginkumpirma sang Iloilo City Parole and Probation Office nga empleyado sang talatapan ang isa sa mga nadakpan sa buybust operation sa Bankers Village, Brgy. Tacas, Jaro, Iloilo City.
Sa interview sang Bombo Radyo kay Ronald Cabanhaw, officer-in-charge sang  Iloilo City Parole and Probation Office, iya ginpahayag nga empleyado sang Regional Office si Joely Devilles nga nakuhaan sang nanari-sari nga armas-luthang kag bala sa ginpatigayon nga buybust operation.
Si Devilles suno kay Cabanhaw ang adminsitrative aide sa Iloilo Parole and Probation Office Region 6.
Santo sa nahibalu-an ni Cabanhaw, masobra na sa walo na katuig nga empleyado  sang nasambit nga talatapan si Devilles.
Ginkakibot naman ni Cabanhaw nga maulamid sa buybust operation  si Devilles nga amo ang bread winner sa ila pamilya.