ILOILO CITY– Madamo sang rekord nga pagpangawat ang suspetsado nga karelasyon sang Indian national nga gingulgol kag ginbuno-patay sa Brgy. Lupa, Sta. Barbara Iloilo.
Sa interview sang Bombo Radyo kay Punong Barangay Victorino Palermo sang Aglipayan, Sta. Barbara Iloilo, ginpahayag sini nga masami nga nagapangbugaw ang suspetsado nga si Angel Simpas sa plaza kag sa iban pa nga lugar.
Dugang pa ni Palermo, bag-o pa nabalaluba ang natabo nga pagpatay sa biktima nga si Sidho Harvender Singh, nakit-an pa sini si Simpas nga nagabakal sang sigarilyo sa tyangge.
Sang nakit-an na ang bangkay sang indian national, hinali lang nga nangindulaan si Simpas.
Nahibaluan nga mahimo ginkawatan si Singh bangud nagagwa na ang bulsa samtang bukas naman ang zipper sang biktima.
