ILOILO CITY– Nagsungka sa National Bureau of Investigation (NBI) 6 ang isa sa anum ka mga suspetsado sa pagpatay sa Indian National nga nasapwan sa Brgy. Lupa, Sta Barbara, Iloilo.
Gindul-ong sang iya amay sa talatapan sang NBI ang 17 anyos nga si alyas Toto matapos ang pag-ako sa kaangtanan sa pagpatay kay Sidho Harvender Singh.
Sa interview sang Bombo Radyo kay alyas Toto , gintuad sini nga anum sila tanan ang nagplano sa krimen apang tatlo lamang ang nagpangamot sa pagpatay sa biktima.
Sunu kay Toto, ang duha niya ka upod nga menor de edad amo ang nagbuno kag nag gulgol sang liog sang biktima samtang ang upod nila nga babaye kag isa ka alyas Kalbo ang nagserbe naman nga look-out sa lugar.
Ginatudlo naman ni alyas Toto ang agi nga ginapapahayag karelasyon sang biktima nga amo ang mastermind sa krimen.