𝗜𝗟𝗢𝗜𝗟𝗢 𝗖𝗜𝗧𝗬 – Dismayado ang pamunuan sang Iloilo Science and Technology University (ISAT-U) sa natabo nga paglapta sang bomb threat.
Sa interview sang Bombo Radyo kay Dr. Gabriel M. Salistre, Jr., president sang ISAT-U, iya ginpahayag nga dako nga huol ang natuga sang nasambit nga pamahog.
Suno kay Salistre, wala sang anuman nga bomba nga narekober sa unibersidad.
Kuntani suno sa natungdan, likawan ang paglapata sang mga patalang nga impormasyon.
Nagbulig man sa pagpatigayon sang inspeksyon sa lugar ang Philippine National Police kag Philippine Army.
Bangud sa natabo, ginpakamaayo na lang nga ikansela ang klase subong nga adlaw.
