ILOILO CITY – Ginakalipay sang pamunu-an sang Iloilo Science and Technology University nga mangin partner sang Bombo Radyo Philippines sa tagsa ka Bombo Medico kag Dugong Bombo.
Sa programa Good Morning Philippines, ginpahayag ni Dr. Raul Muyong, presidente sang Iloilo Science and Technology University, iya ginpahayag nga bugal para sa iya nga ang nasambit nga unibersidad ang napili-an sang network nga mangin venue sang Dugong Bombo Radyo.
Anum ka adlaw antes ang Dugong Bombo, ginpahayag ni Dr. Muyong nga nakahanda na ang pasilidad sang unibersidad nga patigayunan sang blood-letting activity.
Nakahanda naman ang steering committee sang Iloilo Science and Technology University sa pagdumala agud nga mangin matalunsay ang pagpatigayon sang Dugong Bombo 2019.
