ILOILO CITY – Bugal para kay Dr. Raul Muyong, Pesidente sang Iloilo Science and Technology University, nga mangin kabahin sang Bombo Medico 2019.
Sa interview sang Bombo Radyo kay Dr. Muyong, iya ginpahayag nga magluwas sa pagtanyag sang quality education sa mga estudyante, ang tagdumalahan sang Iloilo Science and Technology University ang nagabulig man sa mga nagakinahanglan.
Ginpahayag ni Dr. Muyong nga handa ang tagdumalahan sang unibersidad nga magtanyag sang bulig sa mga nagakinahanglan kaangay na lang sa Bombo Medico, ang pinakadaku nga medical mission sa Iloilo.
Ginpahayag sang natungdan nga magapadayon ang Iloilo Science and Technology University sa pagbuylog sa mga proyekto kag programa sang Bombo Radyo Philippines agud nga makabulig sa madamu nga tawo.
Nahibalu-an nga ang Iloilo Science and Technology University ang nangin venue sang Bombo Medico 2019.
