ILOILO CITY–Tuman ang kalipay sang pamunuan sag Iloilo Science and Technology University (ISATU) ang pagkapasar sang 22 ka mga graduates sa Electronics Engineer Licensure Examinations.
Ginkilala man nga Top Performing School ang ISAT-U sa Western Visayas.
Sa interview sang Bombo Radyo kay Dr. Corazon Corbal, dean sang College of Engineering sa nasambit nga unibersidad,  iya ginpahayag nga ila ginakalipay ang nangin resulta sang pasinawan.
Pahayag pa ni Corbal, iya ginapanginbulahan ang mga passer, faculty kag staff sang unibersidad kag sang College of Engineering sa paggiya sa mga estudyante.
Samtang, ginpahayag naman sang Dean nga madamo sang mahimo masudlan nga trabaho ang mga passer bangud madamo nga mga negosyo sa karun ang nagakinahanglan sang isa ka electronics Engineer.
Magluwas diri, mahimo man ang mga graduate nga makasakay kag magtrabaho sa barko.
Nahibaluan nga nagapanguna ang ISATU sa listahan sang Top Performing School, ginasundan sang Central Philippine University (CPU), University of San Agustin (USA), Filamer Christian College kag University of Antique-Sibalum.