Ginhingyo ni Aksyon Demokratiko presidential bet Isko Moreno Domagoso sa Commission on Elections (Comelec) nga i-konsiderar liwat ang pagsulundan may kaangtanan sa pagdumili sa mga kandidato nga magpa-picture sa mga tawo sa tion sang pagpangampanya.
Suno kay Moreno, nahangpan sini nga ginalikawan lang sang Comelec nga maglapta ang Covid-19 apang mabudlay nga i-kontrol ang publiko ilabi na kun excited sila nga makit-an ang mga kandidato.
“Kung kaligayahan ‘yun ng ibang tao, tingin ko, mag-isip pa tayo ng ibang rule na tingin ko mas sensible. Siguro pag-aralan nila yung mga alituntunin… ‘Yung iba, baka hindi na akma sa sitwasyon,” suno kay Domagoso.
Ini nga ideya ang ginsuportahan man sang iya nga runningmate nga si Aksyon Demokratiko vice presidential candidate Willie Ong, isa ka cardiologist. Suno kay Ong, manubo ang posibilidad nga maglapta ang virus kun sa guwa man ginahiwat ang aktibidad kag kun naka-face mask man ang mga tawo.
“Basta open air yung lugar, mababa. Kahit sa caravan, mababa talaga yung risk. Pero kapag sa closed space, doon talaga… Nagiisip nga kami na bumili nung mask na may plastic para kahit papaano makasunod kami at makilala pa din kami ng tao,” suno kay Ong. ##
