Gindala sa ospital si Manila Mayor Isko Moreno Domagoso matapos nagpositibo sa COVID-19.
Suno sa alkalde, nagabatyag siya subong sang gamay nga ubo, sip-on, kag nagapalanakit ang iya nga lawas.
Antes ang pagpositibo sa coronavirus, may mga aktibidad pa sa Manila kun sa diin wala nakatambong si Domagoso bangud nagalain na ang iya nga pamatyag.
In charge man gihapon ang alkalde sa local government unit suno sa Manila Public Information Office apang ginpaidalom sa disinfection ang iya nga opisina.
Sang nagligad nga semana, nagpositibo man sa COVID-19 si Manila Vice Mayor Honey Lacuna.
Ang duha ang lunsay fully vaccinated batok sa COVID-19.
