Ginsabat sang Malacañang ang pahayag ni Vice President Sara Duterte nga na-scam siya sang 2022 elections.
Sang 2022, kaupod ni Sara nga nagpadalagan si subong President Ferdinand Marcos, Jr. sa idalom sang banner sang UniTeam.
Sa pag-atubang sa Filipino community sa Hong Kong, ginsiling ni Sara nga naintuan siya sang nagpadalagan sila sa platform nga sa paghangop niya nakabase sa “unity and continuity.“
Bangud na-“budol” siya suno kay Sara, indi na siya mag-endorso sang bisan sin-o man nga kandidato.
“Akala ko kasi mas gusto niya ng mas magandang bayan kasi ang plataporma namin nung tumakbo kami unity at continuity. Nadala na ako, na-scam na ako, nabudol na ako. Hindi ako mag-endorso ng kandidato kasi baka pagkatapos ng election, sasabihin ninyo na naman, na-scam kami ni Inday Sara,” kabahin sang speech ni Sara sa pag-atubang sa overseas Filipino workers (OFWs) nga nagahinugyaw sa Wan Chai, Domingo, Marso 9.
Sabat naman ni Palace Press Officer Usec Atty. Claire Castro, baliskad ang pahayag ni Sara nga siya ang na-scam.
”Kung na-scam po siya ng unity, isn’t it the other way around?” suno sa undersecretary.
Ginsiling sini nga wala gid siguro naghaum ang mga miyembro sang Uniteam nga amo sini kadasig si Sara maggasto sang P125 million confidential funds.
”Hindi naman po siguro inakala din ng miyembro o ng mga miyembro ng UniTeam na mabilis magagastos ni VP Sara iyong P125 million confidential funds in just 11 days, hindi naman po siguro inisip iyon at nagbigay ng tiwala sa kanya,” suno kay Castro.
Ginbukad man ni Castro pati ang nabuy-an anay sang bise-presidente nga “kill order” batok sa President pananglitan may magpatay man sa iya.
”Hindi rin po siguro inisip ng Uniteam noon na siya may mga kakilalang assassin at hindi rin po inisip ng Uniteam noon na ang gustong continuation, kasi parang mayroon pong sinabi na dapat may continuity, pero hindi rin po papayag ang Pangulo na ituloy po iyong sinasabing bloody tokhang at EJK.”
Kun balikan, ang namensyonar nga confidential funds ang naangot sa ginbulgar sang Kamara nga naubos ang minilyon ka pesos nga pondo sang Office of the Vice President (OVP) sa 11 lamang ka adlaw, kag amo ang nangin sentro sang imbestigasyon kun ngaa nagguluwa ang mga pangalan nga Mary Grace Piattos nga wala sang record sa Philippine Statistics Authority (PSA).#
