Ginpakamalaot sang Israeli Foreign Ministry ang ginhimo sang Iran nga pagpuntariya pati sa civilian buildings nga rason kun ngaa napatay ang isa ka Filipina caregiver nga si Mary Anne Velazquez de Vera sa Tel Aviv.
Suno kay Oren Marmorstein, spokesperson sang Israeli Foreign Ministry, ang gin-igo sang Iran amo ang building kun sa diin may nagapuyo nga kabataan kag mga tigulang.“This is a civilian building. We had children inside this building. We had elderly people in this building. One of these was an elderly woman and she lived with a Filipina caregiver,” Marmorstein said in a livestream.
“This is a civilian building. We had children inside this building. We had elderly people in this building. One of these was an elderly woman and she lived with a Filipina caregiver,” suno kay Marmorstein sa livestream.
Pahayag sini, ang ginahimo sang Tehran nga pagpangpatay sa mga sibilyan ang baliskad naman sa ginahimo sang Israel nga nagaguba suno sa iya sa military sites lamang. Ginhimo ini sang Iran suno sa iya indi lamang sa Israel kundi sa walo ka mga pungsod sa Middle East.
“The Iranian regime ballistic missiles murder[ed] this Philippine caregiver. This is what the Iranian regime is doing. They are aiming at civilians. They are targeting civilian neighborhoods,” dugang sini.
Nahibaluan nga nagtaliwan si de Vera bangud sa madamo nga pilas nga iya naangkon bangud sa pag-apok sang shrapnels halin sa bomba nga nag-igo sa ila apartment. Sang amo nga tion, ginabuligan sini ang iya alaga nga makasaylo sa bomb shelter.
Ang pagpaulan sang Iran sang missiles kag drones ang kabahin sang ila pagtimalos matapos nga nag-atake ang Israel kag Estados Unidos sang Amerika nga amo ang nagpatay sa ila 86-anyos nga Supreme Leader.#
