Ginkumpirma sang Israel Defense Ministry nga nagpatigayon ini sang “preemptive strike” sa Iran.
Suno sa Israeli officials, nag-atake sila bangud ginaantisipar na nila ang “missile and drone attack” halin sa Iran “in the immediate future.”
Sandig sa inisyal nga impormasyon, may mga pagsigabong nga nabatian sa Tehran amo man sa Seyed Khandan area sang northern Tehran.
May reported strikes man malapit sa mga opisina ni Supreme Leader Ayatollah Ali Khamenei, apang indi klaro kun yara ang 86-anyos nga Iranian leader sang natabo ang pagsigabong.
Nagdeklarar naman ang Israeli government sang state of emergency sa bilog nga pungsod bilang pagpang-handa pananglitan magbalos ang Tehran.
Natabo ang strikes matapos ang sinemana na nga paandam halin kay United States President Donald Trump nga atakehon sini ang Iran kun wala sang may malab-ot nga kasugtanan kaangot sa nuclear program.
As of press time, kumpirmado nga nagpanirado na sang airspace ang Israel kag Iran para sa civilian flights.
May reports halin sa Israeli kag US media nga nagaalegar nga gin-coordinate sa Estados Unidos ang pagpang-atake sa Iran, apang wala pa sang opisyal nga pahayag halin sa White House.#
![Pinterest](https://pinterest.com/pin/create/button/?url=https://iloilo.bomboradyo.com/israel-nag-atake-sa-iran/&media=https://img.bomboradyo.com/iloilo/2026/02/israel-attacks-iran-1.webp&description=Ginkumpirma sang Israel Defense Ministry nga nagpatigayon ini sang "preemptive strike" sa Iran. Nagdeklarar man ini sang state of emergency.){kind=link}