Gina-imbestigaran na sang mga pulis as France ang gina-alegar death threats nga nabaton sang mga atleta sang Israel nga nagapasakop sa Paris Olympic Games.
Suno sa prosecutors office, gina-usisa man sang anti-cybercrime officers ang natabo nga pag-leak sang personal data sang mga atleta sa social networks.
Nahibaluan nga base sa statement sang Israeli National Cyber Directorate, nagguwa sa ila imbestigasyon nga may Iranian hackers nga nagahimo sang social media channels agud mabalhag ang personal information sang mga myembro sang Israeli delegation kag ginapadal-an man sila sang mga makatulublag nga mga mensahe.
May paandam man ang foreign minister sang Israel sa iya French counterpart nga posible may plano nga suportado sang Iran agud nga atakehon ang Israeli athletes amo man ang Israeli tourists kadungan sang Olympics.
Bangud sini nga mga impormasyon, ang Israeli athletes sa Summer Games ang gina-updan gid sang elite tactical units kag ginahatagan sang 24-hour protection sa bilog nga duration sang Olympics kun sa diin nagabulig pa mismo ang internal security service sang Israel.
