Gindayaw ni Israeli Prime Minister Benjamin Netanyahu ang desisyon ni United States President Donald Trump nga bombahan ang nuclear sites sang Iran sa Fordow, Netanz kag Esfahan.
Suno kay Netanyahu, ang desisyon ni Trump nagapakita lamang sang iya pag-isa sa pagtapos sang paghari sang iya gintawag nga ‘most dangerous regime’ kag ang pungsod nga may pinakadelikado nga armas.
Suno sa iya, ang liderato ni Trump naghimo sang isa ka makasaysayan nga desisyon nga marekord sa maragtas sang kalibutan tubtob san-o.
Ini suno sa iya ang magadala sang kauswagan kag kalinong sa bug-os nga Middle East kag bisan sa iban pa nga pungsod.
Samtang, ginpasalamatan naman ni Netanyahu si Trump sa iya madinalag-on nga pagguba sang mga nuclear sites sang Iran paagi sa bug-os niya nga kaisog kag kusog.
Samtang, si U.S. President Donald Trump nagpamahog nga magbalos kun maglunsar sang pag-atake ang Iran batuk sa Amerika.
Ini matapos nga madinalag-on nga ginbombahan sang US Military ang tatlo ka Iranian nuclear sites.
Base sa pahayag ni Trump, makabig nga isa ka makahalawhaw nga kadalag-an militar ang nasambit nga operasyon.
Ginpabugal ni Trump nga ang panguna nga mga pasilidad sang nuclear enrichment sang Iran ang bug-os nga naguba.
