Natalana nga magabisita si Israeli Prime Minister Benjamin Netanyahu sa White House sa Hulyo 7 subong nga tuig.
Suno sa US official, magasapol si Netanyahu kay US President Donald Trump angot sa ginaplano sang Washington nga ceasefire sa Gaza.
Ginpahayag ni White House Press Secretary Karoline Leavitt nga isa sa mga prayoridad sang US President halin sang nagpungko ini sa pwesto amo nga tapuson ang madinuguon nga gyera sa Gaza.
Ini na ang ikatatlo nga pagbisita ni Netanyahu sa White House humalin sang nagpungko si Trump sa pwesto sang Enero.
Paga-estoryahan man sang duha ka mga lider ang tuhoy sa pila ka mga isyu angot sa pagpatuman sang kasugtanan sa trade issues sa tunga sang Israel kag Estados Unidos.
Sa subong, may yara sang 10 percent nga taripa ang administrasyon ni Trump nga ginpatuman sa Israel humalin Abril, kag may yara pa sang 17 percent nga reciprocal tariff nga ginaplano nga ipatuman umpisa Hulyo 9.
