ILOILO CITY – Nagpamahog si Israeli Prime Minister Benjamin Netanyahu nga indi magluntad ang kalinong sa Gaza kun indi mapulbos ang Hamas.
Ang deklarasyon ang kasunod sang report sang World Health Organization ang makahalanusbo nga hitabo sa isa ka pamilya nga napatay sa Christmas Eve strikes sa isa ka refugee camp sa Gaza.
Ang wala untat nga Israeli strikes ang nagguba sa Palestinian territory kag ang inaway ang nagpabaskog pa sang tension sa bilog nga Middle East nga nagresulta sa panawagan sang bilog nga kalibutan nga magpatuman na sang ceasefire.
Suno kay Netanyahu, ang tatlo ka mga prerequisites agud nga magluntad ang kalinong sa Gaza amo ang mga masunod — dapat nga maguba ang Hamas, ma-demilitarize ang Gaza kag mahilway sa radical nga ideya ang Palestinian society.
Sa subong, base sa accounts sang United Nations, nagdangat na sa 2.4 million ka mga tawo ang nagakinahanglan sang tubig, pagkaon, gatong kag bulong bangud sang limitado nga pag-abot sang mga aid trucks.
Nagdangat naman sa 1.9 million Gazans ang nadulaan sang balay kag madamo ang nagapadulong sa south agud nga magtinir sa mga shelters ukon makeshift tents.
