ILOILO – Pormal na nga nag-umpisa ang Iloilo Schools Sports Council Meet 2019 nga ginapatigayon sa syudad sang Iloilo.
Ang nasambit nga aktibidad ang magalawig tubtub sa Disyembre 12.
Kaina sang aga, may yara sang solidarity meeting nga ginpatigayon sa mga coach agud nga mahitso ang schedule sang hampang kag mapirmahan ang ground rules.
Sa interview sang Bombo Radyo kay Dr. Gilbert Solidum, pinuno sang School Governance and Operations Division sang Department of Education – Division of Iloilo, iya ginpahayag nga all set na ang tanan nga venue para sa nagkalain-lain nga sporting events amo man ang pasilidad kag ang program flow.
2:00 kaina sang hapon ang assembly time sa West Visayas State University grounds kag pagkaligad sang 30 ka minutos, nag-umpisa naman ang parada.
Ang parada ang nag-umpisa sa West Visayas State University padulong sa Iloilo Sports Complex kun sa diin si Iloilo Governor Arthur Defensor Jr. ang nagserbe nga keynote speaker.
May yara naman sang 7 ka competing units sa elementary level nga ginabug-usan sang lima ka distrito sa probinsya, Iloilo City Schools Sports Council kag Iloilo Private Schools Athletic Association.
