𝗣𝗔𝗥𝗜𝗦, 𝗙𝗥𝗔𝗡𝗖𝗘 — Nagluhod nga nagahilibion ang isa ka Italian female boxer matapos ang pagpakig-away batok sa kontra sini nga ginapahayag ‘lalaki’ matapos lamang ang 46-seconds pagkatapos sang duha ka mabaskog nga sumbag sa iya guya nga nagkakas sang iya helmet.
Ginkabig nga pinakakontrobersyal nga away sa Olympics ang isa ka boksingero nga ginakabig nga ‘biological male’ nga nagdaug subong nga adlaw batok sa isa ka Italyano nga babayi.
Nagbalibad na ang ang Italyano nga magkamusta sang iya kamot, samtang emosyonal nga nagahibi pagkatapos sang duha ka mga mabaskog nga sumbag sa iya.
Ang Algerian boxer nga si Imane Khelif, 25, nakig-away kay Angela Carini, 25 anyos sang Italy apisar nga gindumilian sa isa ka mayor nga paindis-indis sa boksing antes ang Olympics.
Pagkatapos nga gin-untat ang hampang, ginbayaw sang referee ang kamot ni Khelif sa kahanginan. Apang ang isa ka makita nga akig nga si Carini nagkuha sang iya kamot palayo sa opisyal sang away antes magguwa sa ring nga wala nagkamusta sang kamot sang iya kontra.
Matapos nga wala ginsapak ang Algerian, ang Italyano nga boxer dayon nagluhod kag naghibi samtang nagasiling siya nga subong lang gid siya nakabatyag sang kapareho nga mabaskog nga mga sumbag sa isa ka paindis-indis.
Suno sa Carini, wala siya naglakat palayo sa away bilang protesta batok sa paglakip sang Olympics sa iya kontra, kon sa diin, para sa iya, isa ka desisyon nga dapat binagbinagon sang Olympics Committee.
Gindala naman si Carini para sa medical assessment agud usisaon ang kabug-at sang iya mga pilas sa guya nga nagalakip sang napilasan nga ilong.
Si Khelif ginpahalin sa world championships sang nagligad nga tuig pagkatapos nga napaslawan sa testosterone tests nga ginhimo agud mapasar ang gender qualification.
Apang walay sapayan sang iya mga problema sa gender test, ginbaton siya sa Olympics sa tunga sang daku nga kontrobersya.
Nahibaluan nga ang mga opisyales sang Olympics sa Paris 2024 nagbaton sa iya bilang isa ka babaye kag ginpahayag ini sa iya opisyal nga biograpiya sang mga hampang.
