Ipaidalom sa Zona Rosa ukon Red Zone ang katunga sang pungsod Italy bangud sa padayon nga pagsaka sang COVID-19 cases.
Suno kay Bombo International Correspondent Gabina Sumagpao direkta sa Rome, Italy, iya ginpahayag nga bangud sa pagsulod sang Variant sang COVID-19 nagikan sa United Kingdom sa Italy, nadesisyunan sang Gobyerno ang istrikto nga pagpatuman sang health protocols sa diin temporaryo nga dumilian ang paggwa sa balay magluwas sa mga health official.
Ginalauman suno kay Sumagpao nga mapadali man sang Gobyerno ang Vaccination roll out sa pungsod agud mapadali ang pagkontrol sang COVID-19 ilabi na nga may nagsulod na nga iban pa nga variant sang COVID-19.
Dugang pa sang natungdan, ipaidalom man sa kabilugan nga lockdown ang pungsod Italy umpisa Abril 3 tubtob 5 kasunod sang Holy Week agud malikawan ang pagdugok sang mga tawo.
