Maga-atubangay ang Bulgaria kag ang defending champions nga Italy sa finals sang 2025 FIVB Volleyball Men’s World Championship nga ginahiwat diri sa Pilipinas.
Ginlutos sang World No. 9 team nga Bulgaria ang No. 17 nga Czechia sa semifinals agud maka-abante sa championship round nga amo ang ila una nga pagtapak sa finals halin sang 1970.
Samtang, nakuha naman sang World No. 2 kag defending champions nga Italy ang ulihi nga pwesto sa finals matapos ginpierde ang World No. 1 nga Poland.
Ginpangunahan naman ini sang ila nga team captain kag setter nga si Simone Giannelli agud makuha ang straight-set win pinaagi sa 24 ka excellent sets kag siyam ka digs.
Ini na ang ikaanum nga World Championship final appearance sang Italya. Apat sa lima sa ila katapusan nga apperances ang ila nadag-an lakip na ang “three-peat” sang 1990, 1994, kag 1998.
