Nakasaka na ang Tropical Cyclone Wind Signal No. 2 sa Itbayat, Batanes bangud sa gulpiyada nga pagbaskog sang Bagyo Gorio, suno sa Philippine Atmospheric, Geophysical and Astronomical Services Administration (PAGASA).
Samtang, ang nabilin nga bahin sang probinsya sang Batanes yara sa idalom sang Signal No. 1.
Suno sa report sang PAGASA, nakita ang sentro sang bagyo sa distansya nga 300 kilometros East Northeast sang Itbayat.
May dala gihapon ini nga kusog nga hangin nga nagalab-ot tubtob 130km/h kag bugso nga naga-abot sa 160km/h.
Ginalauman sang PAGASA nga magaguwa sa Philippine Area of Responsibility (PAR) ang Bagyo Gorio karon sa hapon, Agosto 13, kag maga-landfall sa Taiwan sa pareho man nga adlaw sa aga.
Ginpahanumdom sang mga otoridad ang mga pumuluyo nga magpanghanda kag mag-monitor sang opisyal nga advisories halin sa PAGASA.
