Makaligad ang malapit duwa ka dekada nga dalagan sang kaso sa korte, gin-acquit sa murder case si Vicente “Itik” Espinosa.
Ang kaso may kaangtanan sa pagpatay kay former Ajuy Vice Mayor Ramon Rojas sang 2008 kag si Espinosa ang gintudlo nga mastermind.
Sa facebook post ni Atty. Carol-V Espinosa Diaz, anak ni Itik Espinosa, ginsiling niya nga personal siya nga nagkadto sa Branch 23 sang Regional Trial Court para magkuha sang kopya sang desisyon angot sa kaso sang iya amay.
Base sa desisyon, napaslawan ang prosekusyon nga pamatud-an nga guilty beyond reasonable doubt si Vicente Espinosa alias “Bulldog” sa murder charge.
Matandaan nga ginluthang sang riding-in-tandem suspects si Rojas sa banwa sang Ajuy sadtong Mayo 22, 2008 kun sa diin patal nga igo sa ulo kag iban nga parte sang lawas ang gintunaan sang iya kamatayon.
Agusto 2019 naman gindakop si Itik Espinosa paagi sa warrant of arrest pag-abot sini sa Iloilo International Airport halin sa Manila.
