ILOILO CITY – Ginpaidalom sa hospital arrest si Vicente ‘Itik’ Espinosa matapos madakpan sang otoridad paagi sa warrant of arrest bangud sa pagpatay kay anay Ajuy, Iloilo Vice Mayor Ramon Rojas sang 2008.
Sa interview sang Bombo Radyo kay Police Major Jonathan Piñuela, pinuno sang provincial special operations group, iya ginpahayag nga gindakop si Espinosa sa Iloilo International Airport kag wala naman nagpakatig-a ang arestado.
Suno kay Pinuela, naghingyo si Espinosa nga ideretso sa hospital para man sa iya nga ikaayong lawas apang sa baylo, ginderetso siya sa Branch 34 sang Regional Trial Court para sa booking purposes.
Ginpahayag ni Pinuela nga si Espinosa ang may yara sang pending warrant of arrest bangud sa ginakaulamiran nga murder case.
Kasubong suno kay Pinuela nga may panagupnop naman ang arestado tuhoy sa pagserbe sang warrant of arrest.
