ILOILO CITY – Tatlo ka mga event ang tambungan ni Presidente Rodrigo Duterte diri sa Iloilo buwas nga adlaw.
Sa interview sang Bombo Radyo kay Iloilo provincial administrator Dr. Raul Bañas, iya ginpahayag nga ginahitso na ang itinerary kag ang food and accomodation sang Presidente kag sang Presidential Management Staff kag Presidential Security Group.
Sa Miyekules sang hapon, una nga magatambong si Duterte sa pagpanghatag sang Certificate of Land Ownership Award sa mga beneficiary sa Cabatuan, Iloilo.
Sunod nga magatambong ang Presidente sa National Convention sang Philippine Councilor’s League sa Iloilo Convention Center kag magaderetso sa isa ka private event.