Wala na naman nakaluwas si Iloilo City Mayor Jed Patrick Mabilog matapos nga liwat ginlawag ni Presidente Rodrigo Duterte sa public address sini kagab-i.
Suno kay Duterte, indi niya sala kun ngaa nalakip ang pangalan ni Mabilog sa narco list bangud indi man naghalin sa iya ang listahan.
Pahayag sang presidente, wala sang rason nga mag move on siya sa ginakaulamiran sang anay alkalde bilang sabat sa pahayag sang misis sang anay alkalde nga si Former Iloilo City First Lady Maria Victoria Mabilog.
Dugang pa ni Duterte, indi iya desisyon ang pagpahalin kay Mabilog sa pwesto kundi iya sang Ombudsman.
Nahibaluan nga sang tinalikdan nga semana ginlawag sang presidente si Mabilog nga kabahin sa mga opisyal sang gobyerno nga ginsipa sa pwesto bangud sa grave misconduct, serious dishonesty kag conduct prejudicial to the best interest of the service.
