Ginkumpirma ni “Asia’s Next Top Model” winner Maureen Wroblewitz nga nagpositibo ini sa COVID-19 matapos nga ginhilanat sa sulod sang pila ka adlaw.
Sa instagram post ni Maureen, iya ginakabig nga makahaladlok ang iya na-eksperyensyahan sa diin naglab-ot sa punto nga nakaapekto na ini sa iya nga mental health.
Apang sa subong pahayag niya, mas maayo na ang iya kondisyon kag bangud sa natabo, madamo siya sang natun-an.
Lakip na diri amo ang pagsalig sa iya nga “gut instincts” kag sa iya kaugalingon.
Suno sa model, indi kinahanglan nga mag-salig sa iban nga tawo agud nga mangin safe.
Gin-remind man ni Maureen ang mga netizens nga magsuksok gid sang mask kag face shield sa diin man magkadto, i-obserba ang physical distancing kag pasangkaron ang immune system.
Ginakabig man sang model nga isa siya sa mga maswerte nga tawo bangud may yara lang ini sang mild symptoms.
Gani iya ginpangabay ang tanan nga mangin responsable sa diin unahon ang pagprotekta sa kaugalingon agud ma protektahan man ang iban nga tawo.
