Ginsuspendi sang Memphis Grizzlies ang ila All-Star guard nga si Ja Morant bangud sang indi maayo nga komento sini batok sa ila coaching staff sa post-game interview
Ini pagkatapos nga malutos sila sang Los Angeles Lakers kahapon.
Suno sa report, sang ginpamangkot si Morant parte sa resulta sang hampang, ginsabata lamang niya ang mga reporters sang “Go ask the coaching staff.”
Makapila pa ka beses nga ginsulit ni Morant ang amo nga sabat sa apat ka separado nga tion, rason nga ginakabig sang team nga indi ini angay nga pamatasan.
Si Morant may average nga 20.8 points kag 6.7 assists sa iya mga hampang.
