Arestado ang isa ka jail officer samtang naga-duty matapos mahulog ang sachet sang iligal nga druga sa iya bulsa nga nakit-an mismo sang iya mga kaupdanan.
Natabo ang nasambit nga pag-aresto sa Ormoc City Jail sang nagligad nga Agosto 25, 2026.
Suno sa Ormoc City Police Station 1, nakit-an sang duha sini ka mga kaupdanan ang nahulog nga suspected shabu kag gilayon nga ginreport sa ila opisyal kag didto na nga gin-aresto ang nasambit nga indibidwal.
Nahibaluan nga yara sa masobra 2 grams sang iligal nga druga ang narekober sa subject nga may standard drug price nga masobra P16,000.
Magapangatubang sang kaso ang jail officer sa idalom sang Comprehensive Dangerous Drugs Law.
