Posible nga makakas sa pwesto ang duha ka jail officers sa Iloilo District Jail – Male Dormitory kag Annex matapos ang ginpatigayon nga greyhound operation sang Bureau of Jail Management and Penology (BJMP) 6 upod ang Philippine Drug Enforcement Agency (PDEA) 6.
Ini matapos nakumpiskar ang ginapahayag isa ka shabu, duha ka cellular phone kag drug paraphernalia nga may standard drug price nga nagabalor sang P20,400.
Sa interview sang Bombo Radyo kay Atty. Juniven Rey Umadhay, spokesperson sang BJMP-6, iya ginpahayag nga ang mga iligal nga droga nga nakumpiskar ang nakuha sa sulod sang libro sa isa ka mga Person Deprived of Liberty ukon PDL.
Suno kay Atty. Umadhay, ang nasambit nga duha ka jail officers ang possible nga mapasakaan sang kaso nga gross neglect of duty, kag kun makumpirma nga may yar sang connivance man ukon may involvement, posible man nga pasakaan sila sang grave misconduct.
Pahayag man niya, ginhulat pa sa subong ang confirmatory results sang drug test sa mga PDL kun sa diin kon makumpirma nga positibo, posible nga matagan sang sanction ang PDL, lakip na diri ang disqualification sa ila time allowance, kag iba pang mga jail privileges.
Dugang pa ni Atty. Madhay, sunod sa mandu ni Jail Chief Superintendent Elena Rocamora, dapat pasabton gid kun sino ang mga responsible sa likod sa pagsulod sang mga ginadumilian nga mga kagamitan lakip na ang iligal nga droga sa sulod sang jail facility.
