ILOILO CITY – Ginsipa sa puwesto ang jail warden sang Iloilo District Jail sa Barangay Nanga, Pototan, Iloilo matapos ang ginpatigayon nga imbestigasyon sang Bureau of Jail Management and Penology (BJMP) region 6 batok kay Jail Supt. John Montero bangud sa pagpasugot nga ipasulod ang kontrabando sa presuhan.
Sa interview sang Bombo Radyo Iloilo, ginpahayag ni Senior Jail Officer 3 Leo Lacerna, pinuno sang investigation division sang BJMP-6 nga mismo sa national headquarters naghalin ang relieve order ni Montero.
Buslan si Montero ni Jail Supt. Vicente Papilera bilang bag-o nga warden sang Iloilo District Jail.
Nahibaluan nga santu sa ginpatigayon nga imbestigasyon sang BJMP-6, nakasulod ang mga cellphones kag iPad sa presuhan nga gamit pa sang pila ka mga high profile inmates.
Gin-ako man sang gin-relieve nga jail warden nga ginpahanugutan sini nga makasulod ang videoke kag video karera machine sa presuhan.