ILOILO CITY – Gin-relieve na sa puwesto ang tatlo ka mga jailguards sang Bureau of Jail Management and Penology (BJMP) sa Barangay Nanga, Pototan, Iloilo bangud sa illegal drug trade sa nasambit nga presuhan.
Sa interview sang Bombo Radyo Iloilo kay Jail Senior Supt. Joel Superficial, regional director sang BJMP-6, ginpahayag sini nga magapangatubang sang kaso nga simple neglect of duty sanday JO2 Ricky Melcorio, JO1 Earl Soldevilla kag JO1 Kim Vincent Ely.
Kasunod ini sang pagpasulod sang mga jailguards sang menor-de-edad sa presuhan agud magpangayo sang pahanugot sa preso nga si Werjun Tanate agud makabaligya sang iligal nga droga.
Ginbutangan naman sang signal jammer ang sulod sang presuhan agud matapna ang illegal drug transactions.
Sa karon ginbutang na sa isolation room si Tanate kag gindumilian nga magbaton sang bisita.