Nangin kauna-unahan nga Filipino volleyball player si Jaja Santiago nga nakakuha sang volleyball title sa guwa sang Pilipinas sa isa ka foreign league matapos ginbuligan ang Saitama Ageo Medics nga mangibabaw batuk sa NEC Red Rockets sa Japan V. League V Cup sa Ota City General Gymnasium sa Tokyo.
Naghatag sang 11 points si Santiago sa nine kills kag two blocks samtang si Mami Uchiseto kag Yuka Sato ang may yara sang 15 points.
Nagdugang man sang 14 points si Shaina Joseph.
Pito ka mga hampang sa V Cup ang nadag-an sang Ageo Medics kag may yara na sila subong nga 14 consecutive matches humalin sang main V.League tournament sang Pebrero sa diin nagtapos sila sa ika-lima nga pwesto.
Nagdugang na naman ang V Cup trophy ni Santiago matapos nakuha ang bronze medal nga nadag-an niya sa Ageo Medics sang last season sang V.League tournament.
Nahibaluan nga sang 2017, nagdaog si Santiago sa Premier Volleyball League 1st Season Collegiate Conference championship sa National University Lady Bulldogs kag ginkilala sang conference bilang MVP.
