Ginareklamo subong ang Jalandoni Flyover sa bangud sa madanlog sini nga estruktura.
Gin-aktuhan naman ini gilayon sang Iloilo City Government ang reklamo nga madanlog nga aspalto sa nasambit nga Flyover.
Ini matapos maglapta sa social media ang isa ka post nga nagapahayag nga delikado ini sa mga tawo nga naglabay sa dalan.
Sa interview sang Bombo Radyo kay Joy Fantillaga Gorzal, Spokesperson ni Mayor Raisa Treñas iya ginpahayag nga madanlog gid man ang aspalto nga ginbutang ilabi na kun naga-ulan kag mahimo ini magresulta sang disgrasya.
Gilayon nga nag-coordinate ang City Government sa Department of Public Works and Highways (DPWH) nga nagpatigayon sang nasambit nga proyekto.
Nagapanawagan man ang City Government sa publiko, ilabi na sa mga motorista, nga maghinay-hinay kag mangin alisto sa pag-agi sa Jalandoni Flyover samtang ginaproseso pa ang mga kinahanglanon nga buhaton agud indi na makatuga sang disgrasya.
Padayon naman sa karon ang ila pag-monitor sa kahimtangan sang dalan agud masiguro ang safety sang tanan nga naga-agi sa lugar.
