ILOILO – Yara na sa 65.8% ang overall accomplishment sang Jalaur River Multi- Purpose Project Stage II as of March 2023.
Ginakonsidera nga ang Alibunan River Catch Dam kag Jalaur Afterbay Dam ang ‘substantially completed’ ukon minor kag corrective works na lang ang nabilin.
Ang nasambit nga mga dam ang magahatag sang irrigation water sa farmlands sa Zone 1 sang proyekto kag maga-regulate sang tubig halin sa impounding dam padulong sa High Line Canal sa tion nga ini ang mangin operational.
Sa interview sang Bombo Radyo kay Mr. Steve Cordero, Watershed Management Chief kag designated spokesperson sang National Irrigation Administration Region 6, iya ginpahayag nga ang full operation sang mega dam ang maga-umpisa sa Marso 2025.
Suno kay Cordero, ang Jalaur High Dam ang yara na sa 84.1 meters high out of 109 meters nga structural height sini as of March 2023.
Sa tion nga makompleto,ang High Dam ang magaserbe nga impounding dam nga may ginabanta 250.70 million cubic meters nga kapasidad para sa irrigation, bulk watter supply kag hydroelectric power.
Ang construction sang High Line Canal ang padayon man nga ginakaayo sa diin nagasakop ini sang 47 kilometers ukon 58.75% sa 80 kilometers nga kabug-usan sini nga kalabaon.
Ini ang nagakonekta sa mga kabanwahanan lakip na sa Calinog, Lambunao, Janiuay kag Cabatuan.
