Masobra na sa 86% ang progreso sang konstruksyon sang Jalaur River Multipurpose Project II (JRMP II), samtang padayon naman ang konstroksyon sa mga nabilin nga kaayuhon sang National Irrigation Administration (NIA) Region 6 agud maging fully operational na ini sa tuig 2028.
Sa ginhiwat nga Kapihan sa PIA Western Visayas, ginpahayag ni NIA-6 Regional Manager, Engr. Jonel Borres nga halin sang bulan sang Hunyo dako na ang nangin improvement sang amo nga proyekto.
Suno pa sa iya nga wala sang may nakit-an nga rason nga makapugong sang target completion timeline sang nasambit nga proyekto sang gobyerno.
Isa sa mga prayoridad subong ang pagpatukod sang 80-kilometer highline canal nga magaagi sa mga banwa sang Badiangan, Janiuay, Lambunao, San Miguel kag Tigbauan agud mapalapad ang serbisyo sang irigasyon.
Sa tion nga matapos ang Jalaur River Multipurpose Project II, dako ang mabulig sang irigasyon sa 9,500 ka ektarya sang umahan sa 17 ka banwa sang Iloilo kag makabenepisyo sa ginabanta 7,000 ka mangunguma.
Nahibaluan nga ang ini nga irigasyon ang ginakonsiderar bilang pinakamalapad nga irrigation projects sa rehiyon.
By: Bombo Cyrene Nasis
