Nagpangayo sang pasaylo si Jam Ignacio sa fiancée sini nga si Jellie Aw pila ka adlaw matapos halos napuno sang lagob ang itsura sang babaye bangud sa iya pagpangastigo.
Nag-sorry man ang lalaki sa ginikanan, mga pamilya, kag abyan ni Jellie kag nagpahayag nga nagahinulsol siya sa iya nga nahimo.
“Sa mga kapatid, sa mga kaibigan, ito, dito ako, haharap sa inyo. Humaharap na humihingi ng taus-puso na sorry, sorry, sobrang sorry. Lalo na sa mommy ni Jellie. Ma, sorry, Ma. Alam niyo yan na mahal na mahal ko si Jellie,” pahayag sini.
Paathag niya, napuno lang siya sang amo nga adlaw bangud sa ila indi paghangpanay nga nagdugang pa sa iya kakapoy.
“Sa simpleng hindi pagkakaunawaan and siguro, may halo na rin sigurong pagod sa maghapon na lakad namin. E, kumbaga, tao lang din siguro ako… baka napuno lang din siguro ako. Na hindi ko sinasabi na tama, pero hindi ko… hindi ko para i-tolerate na gawin ulit. Humihingi ako ng tawad, pasensiya na talaga. Sorry, sorry, sorry sa lahat,” suno sa natungdan.
Nagpasalig si Jam nga indi na niya ini pagsuliton, kag nagpangabay man sa babaye nga dayunon ang ila nga kasal.
Ginpahanumdom pa sini kay Jellie ang ila pagpalanggaanay.
“Hon, alam mo yan kung gaano kita kamahal. Alam mo yan kung gaano kita protektahan, bantayan. Sa lahat ng ginagawa mo, lagi ako nakasuporta sa yo. Sa lahat ng gusto mong gawin sa buhay, nakasuporta ako palagi sa yo. Sorry sa mga nangyari.”
Naghingyo ini nga tumanon ang ila handum kag mga plano, bangud amo lang ini ang gusto niya pakasalan.
“Alam mo na gusto ko ikaw na yung makasama ko talaga. Alam mo yan na may plano tayo na bumuo ng pamilya. Tuparin natin, hon, nagmamakaawa ko sa yo. Sana ayusin natin to.”
Una na nga nagpahayag si Jellie nga handa siya nga patawaron si Jam, apang dapat gid ini manabat sa iya ginhimo.
Ginkumpirma man sang National Bureau of Investigation (NBI) nga nag-isyu na ini sang subpoena batok sa lalaki. Sini nga Pebrero sang nagdangop si Jellie sa NBI bangud sa sobra-sobra nga injuries nga naangkon sini lakip na ang paghabok sang mata, na-dusngal ang bibig, kag madamo man sang lagob sa nawong.
Nagpaandam ini nga ipapreso gid ang 38-anyos nga lalaki matapos natabo ang pagpang-abuso samtang yara sila sa sulod sang salakyan.
Nahibaluan nga antes si Jellie, ang ka-relasyon ni Jam amo ang 50-anyos nga TV host-actress kag iloy ni Daniel Padilla nga si Karla Estrada. Nangin sila sang Hunyo 2019 apang nagbulagay sang Hulyo 2024.
Wala magdugay matapos ang amo nga break-up, nangin girlfriend ni Jam si Jellie. Sang Nobyembre 2024, apat ka bulan matapos nangin magkarelasyon, ginkumpirma ang ila nga engagement.
Kilala si Jellie bilang resident DJ sa tatlo ka go-to night-clubs sa Metro Manila kag ginkilala man sang EDMdroid Asia bilang isa sa World s Sexiest DJs sang 2020.
