Nagdugang pa ang Denver Nuggets star nga si Jamal Murray sa lista sang National Basketball Association (NBA) players nga indi makahampang sa 2023 FIBA World Cup.
Sa statement nga ginpaguwa sang Canada Basketball, ginrason sang 26-anyos nga Canadian star ang physical drain nga nakuha halin sa championship season kun sa diin nakuha sang Nuggets ang kampyonato.
Base sa iya nga consultation kag medical staff, kinahanglan pa niya ang tyempo agud nga makapahuway kag makapa-umpaw sa kakapoy.
Ginsiling sini nga handum man niya nga matiglawas ang iya pungsod sa Olympics kag handa siya nga suportahan ang Canada sa anuman nga tournament.
Pang-numero-15 ang Canada sa FIBA world rankings kag una nga makasumpong ang France sa group play sa Agusto 25 antes atubangon ang Lebanon kag Latvia sa tournament nga hiwaton sa Jakarta, Indonesia. #
