Ginsurpresa ni James Reid ang iya fans pinaagi sa pag-post sang teaser sang iya collaboration kaupod ang South Korean singer nga si Jay B sang K-pop group nga Got7, kag Taiwanese-American rapper nga si ØZI.
”Hello” ang titulo sang collaboration song track nga ginapreparar sang tatlo.
Ang updated version sang amo nga ambahanon ang iga-release sa palaabuton nga Marso 11.
Una na gin-anunsyo ni James ang iya international collaboration pila ka adlaw antes ini nagpadulong sa Los Angeles sa Estados Unidos, nga nagtuga man sang madamo nga espekulasyon may kaangtanan sa iya ‘career move.’
Apang gin-athag sang iya amay nga si Malcolm Reid, nga ang pagpadulong sang actor-singer sa US, “for recording sessions” lang kag para sa family visit.
