MANILA – Gin-ako na sang aktres nga si Janella Salvador kag sang Filipino-British actor kag model nga si Markus Paterson nga may yara sila sang relasyon.
Una nga nag-post sang video sa Instagram si Markus kun sa diin makita nga tuman sa ila ka sweet kag may caption pa ini nga “My World”.
Pila ka oras ang nakaligad, nag-post man sang laragway nila nga duha sa Instagram si Janella kun sa diin sa comment section, madamo ang nagpalab-ot sang congratulatory message.
Nahibalu-an nga Oktubre sang nakaligad nga tuig sang na-link ang duha apang nagpamalibad sila nga maghatag sang pahayag tuhoy sa nasambit nga isyu.
