Ginserbehan liwat sang panibag-o nga warrant of arrest sang mga otoridad ang negosyante nga si Janet Lim Napoles sa sulod mismo sang Correctional Institution for Women (CIW) sa Mandaluyong City.
Ang warrant of arrest ang gin-isyu ni Hon. Oscar Herrera Jr., chairperson sang Second Division sang Sandiganbayan, batuk kay Napoles bangud sa kaso nga paglapas sa Republic Act 3019 ukon Anti-Graft and Practices Act.
Nagapabilin naman nga preso si Napoles bangud sa mga kaso may kaangtanan sa maanomaliya nga Priority Development Assistance Fund (PDAF).
Nahibaluan nga ang iban nga co-accused ni Napoles ang ginalakipan nanday Sen. Juan Ponce Enrile, Jinggoy Estrada kag si senator-elect Bong Revilla.
