Nagbun-ag na si former Miss Universe Philippines Janine Tugonon sang iya una nga baby.
“Bonjour Madeleine Sophia,” caption sini sa iya post sa Instagram kun sa diin yara ang pictures sang baby girl kag iya partner.
“Thank you, Lord for a healthy baby, positive birth experience and so far a great CS recovery. You Lord always got my back and Your grace is sufficient,” dugang sini kag may hashtag “To God be the glory.”
Pahayag sini, naga-recover na siya subong kag nagaplano nga umpisahan ang iya mom duties.
“Also Happy two weeks today!! Time to start reading books to you. (Thinking between taxation, accounting, Al, coding and IT? – haha char lang, pero someday yan talaga sana,” dugang pa sang beauty queen.
Hunyo lamang sang malipayon nga gin-anunsyo ni Janine ang iya pagbusong.
Siya ang tiglawas sang Pilipinas sa Miss Universe pageant sang 2012 kag nangin first runner-up kay Olivia Culpo sang USA.
Kasunod sang pageant, ginlagas sini ang modeling career sa US kag nalakip sa high profile modeling gigs kaangay sang ad sa Victoria’s Secret, nangin NU muse, kag naglakat sa runway sang New York Fashion Week sang 2017.
