JANIUAY, ILOILO – Gindeklara sang Janiuay, Iloilo nga persona non-grata ang mga katapo sang Communist Party of the Philippines-New People’s Army sa nasambit nga banwa.
Sa interview sang Bombo Radyo kay Police Captain Dadje Delima, hepe sang Janiuay Municipal Police Station, iya ginpahayag nga hugot nga gina monitor sang kapulisan ang Brgy. Atimonan sa diin gihapahayag may mga katapo sang rebelde nga grupo.
Suno kay Delima, magluwas sa nasambit nga barangay, padayon man nga ginatskeyar sang Janiuay PNP ang 17 ka mga barangay nga mabudlay malab-ot sang mga salakyan bangud sa kalayuon sini.
Dugang pa sang natungdan, sa tion nga may makita ang mga pulis sang nagahupot sang indi lisensyado nga armas, ila ini pasakaan sang kaso.
Nagpanugyan man ang hepe sa mga pumuluyo nga gilayon makig-angot sa mga kapulisan kun may mamutikan nga makaduluda nga tawo.
