JANIUAY ILOILO – Nakahanda na ang Janiuay Municipal Police Station para sa patigayunon nga Mayo 13,2019 midterm elections.
Sa interview sang Bombo Radyo kay Police Captain Dadje Delima, hepe sang Janiuay PNP, iya ginpahayag nga kapin 100 ka mga kapulisan ang igadeploy sa mga kabarangayan sang nasambit nga banwa.
Suno pa kay Delima bantayan man nila ang mga hotly contested areas.
Nakahanda man suno sa iya nga maghatag sang augmentation ang Philippine Army agud mas mapasangkad kag mas mapahugot ang pagbantay sa midterm elections.
