Patay ang isa ka suldado sa nagluntad nga engkwentro sa boundary sang tatlo ka mga Barangay-Agpalali, Artuz kag Tabon, Tapaz, Capiz sa tunga sang Philippine Army kag mga nabilin nga miyembro sang Central Front (CF) kag Regional Sentro de Grabidad (RSDG) sang Komiteng Rehiyon–Panay (KR-Panay).
Ang amo nga suldado amo si Sgt. Jhon Ray Coopera kag pumuluyo sang Janiuay, Iloilo.
Siya ang myembro man sang 12th Infantry Batallion (IB) Philippine Army.
Ginbawian gid ini sang kabuhi matapos maigo sang bala sa tiyan.
Madumdoman nga sang Biyernes, kun sa diin una nga engkwentro nga natabo, pilason man ang isa ka suldado matapos maigo sa wala nga abaga kag tuo nga kamot.
Nahibaluan man nga sa adlaw mismo sang National Heroes Day ginbawian sang kabuhi si Coopera nga ginakabig man nga baganihan.
